संघीय मामिला तथा सामान्य प्रशासनमन्त्री प्रतिभा रावल अचानक अस्वस्थ भएपछि उपचारका लागि अस्पताल पुग्नुपरेको छ। उच्च ज्वरो आएपछि उनी बिहीबार उपचारका लागि काठमाडौंको सिभिल अस्पताल पुगेकी थिइन्।
बिज्ञापन
अस्पतालमा चिकित्सकले स्वास्थ्य परीक्षण गरेपछि तत्काल केही दिन पूर्ण आराम गर्न सुझाव दिएका छन्। चिकित्सकीय परामर्शपछि मन्त्री रावल उपचारपछि घर फर्किएकी हुन्।
बिज्ञापन
मन्त्री रावलको निजी सचिवालयका अनुसार पछिल्ला केही दिनदेखि असहज महसुस भइरहेपछि उनी स्वास्थ्य परीक्षणका लागि अस्पताल पुगेकी थिइन्। अस्पतालमा गरिएको जाँचमा उच्च ज्वरो देखिएपछि चिकित्सकले आवश्यक औषधि सेवन गर्न र आराम गर्न सल्लाह दिएका थिए।
सचिवालयका अनुसार हाल मन्त्री रावलको स्वास्थ्य अवस्था सामान्य रहेको छ र उनी घरमै आराम गरिरहेकी छन्।
बिज्ञापन
